以前有一個說法, 話有個車牌旁身, 失業都可以去做司機, 又或者係緊要時都有用! 對於近一年幾移民嚟英國, 有個車牌喺身嘅朋友, 喺搵工上就比無車牌嘅朋友多咗選擇!
其中Amazon司機就係其中一個我覺得比較容易入行, 對英文程度要求又無咁高嘅一份工, 幾年前我都做過佢地嘅司機, 今次等我先分享一吓搵工同埋見工嘅過程!
點樣搵工?
去搵工網頁(例如indeed), 搵multi-drop / courier / delivery driver就會有唔少嘅工彈出嚟, 除咗Amazon外, 其他速遞公司都有請司機!
你可以用搵工網頁裏面嘅”apply”功能, 又或者有啲係用SMS或email去報名應徵
等佢地打俾你約見工面試! 因為佢地喺唔到地方都有貨倉, 所以佢地可能會問你想做邊一個倉, 你可以揀返一個近你屋企嘅倉嚟做!
對求職者有咩要求?
一般嚟講無乜特別要求, 比較常見嘅有:
一年或以上駕駛經驗
可以搬到(例如)20kg以上嘅貨嘅能力
熟悉送貨該區嘅路
車牌唔可以有多過6分
注意：打算揸車搵食嘅朋友平時揸車時就要小心啲, 唔好俾人罰分, 因為超速俾人影一次快相就要扣3分, 話咁易就多過6分無得做
幫Amazon打工?
呢啲送貨工其實多數都係由外判公司負責, 即係你唔係直接同Amazon打工! 而大部份應該都係自僱工
每日一個固定日薪
你要自己有架Van, 自己負責入油保養維修咁
有開工嗰日就有錢, 放假就無錢, 多勞多得
見工情況係點㗎?
我當日去返我揀嗰個倉見工, 入到房見到有十幾人, 原來係group interview嚟, 不其如其話係見工, 我覺得似briefing多啲! 一開始職員就叫我地簡單逐個自我介紹一吓, 講吓大家嚟自邊度, 之前做開咩職業同埋點解想做呢份工! (如果英文唔係太好的話都唔洗太擔心, 簡簡單單咁講就得)
然後公司嘅職員就講吓入職嘅程序, 例如
填好個人資料
俾車牌佢地檢查駕駛紀錄
核對你簽證確保你係合法可以打工
仲有一樣要做嘅就係齊齊去驗尿, 睇吓你有無飲酒同吸毒!
之後就講解一吓每日Amazon送貨嘅流程, 服務要求, 點樣用個app, 出糧嘅安排等等, 成個過程大約個幾兩個鐘!
我啱啱嚟到未買車做唔做得? 有無得用公司車?
外判公司係無公司車提供俾你開工, 不過一般佢地會提供方法俾你租一架Van開工, 我嗰時就根據佢俾我嘅contact租咗一架白色嘅棍波VW Transporter(下面張相嗰款), 車齡1年以內都幾新淨, 架車要自己保管, 揸返屋企搵地方泊, 租金大約£200一星期包送貨用嘅保險! 不過睇返張租車合約發現墊底費要成£1500, 所以要好小心揸, 如果有咩「衣郁」隨時成個月白做!
人工點樣計呢?
我做嗰陣時人工少啲, 睇返宜家啲廣告, 人工高過以前唔少!
每一日£120 (2018年價錢)
燃油津貼：多少就計返嗰日送貨條route嘅長短
手機津貼：因為佢地無提供手機畀你開工, 呢個津貼就當租你部電話用嚟開工
每兩星期出一次糧
未換英國車牌做唔做得？
呢個我就唔肯定, 應該要睇返租貨Van間公司嘅保險係唔係唔cover埋外國車牌! 如果佢地只cover英國車牌嘅司機, 咁就可能唔做得, 詳情可能你要問返嗰啲外判公司會好啲!
(待續)
遊走英國
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉www.buymeacoffee.com/yaujauuk🍺🍺
由宜家開始到2022年6⽉30號, ⽤遊⾛英國嘅呢條link https://www.topcashback.co.uk/cntravelld/ 喺Topcashback免費登記成為新⽤⼾, 只要喺登記後3個⽉內成功喺Topcashback到合作商⼾網⾴消費同埋成功取得回贈後(不限回贈⾦額), 就可以得到額外£10迎新現⾦回贈!!
注意
- 僅限第一次登記TopCashback英國站嘅新會員
- takeaways, freecashback等商戶除外
- 詳細請參閱網站嘅條款及細則用Wise (前身Transferwise)由香港轉錢去英國或者其他國家, 方便得嚟計埋手續都平過一般香港銀行嘅電匯價! 快啲click入去睇睇格吓價....
CALL4VAN「機場專車服務」新增倫敦及曼城接機服務 https://bit.ly/3EdQ0LO
申請NordVPN, 保障私隱之餘亦方便喺網上繼續去ViuTV, NowTV等等香港電視, 現有優惠US$89包24個月另加送3個月服務! 快啲用呢條link去申請或者了解吓詳情