香港年前有人自稱英國「執業律師」但被踢爆, 跟住facebook就有好多人齊齊「執葉」影相, 嚟到英國, 執葉真係無困難, 一到秋天, 樹上面嘅葉就慢慢變黃, 之後就會落葉, 地下就會舖滿黃色嘅枯葉, 成個倫敦都變成黃色, 你唔洗睇日曆都知道夏天已去, 秋天來臨! 呢個亦係我最鍾意嘅一個季節!
細個讀書話香港有四季, 形容秋天為秋高氣爽, 不過全球暖化之下, 香港似乎得番夏天同少少冬天….. 秋天消失咗! 喺倫敦住, 就重拾四季分明嘅生活, 秋天天氣未算好凍, 去吓公園執吓葉, 買杯熱飲坐低睇住啲squirrels瘋狂搵嘢食食肥自己過冬, 簡簡單單咁又一日!
喺度見到黃葉處處就知漫長嘅冬天即將到臨, 其實因為大部份屋企都有暖氣, 過冬天我覺得其實比喺香港幸福(除非你生活或工作要長時間逗留室外就另作別論), 起碼喺屋企可以著tee唔洗著羽絨, 瞓醒揭起張被落床嗰吓唔會想死! 不過冬天天氣凍就的確會令你出街嘅意慾大減, 變咗探朋友食吓飯為主, 所以我終於明白點解外國人咁鍾意曬太陽, 因為天氣暖嘅日子係好珍貴嘅!
希望即將過嚟生活嘅你地都同我一樣會愛上呢度嘅天氣！
遊走英國FB page: www.facebook.com/travel.london.uk
遊走英國Blog: www.yaujauuk.com
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉 www.buymeacoffee.com/yaujauuk 🍺🍺
Topcashback Referral Link(免費登記)
Quidco Referral Link (免費登記, 仲有£10 sign-up bonus送俾你) www.quidco.com/raf/10294854
保護自己網上私隱, 避免行縱被洩露, 記住申請NordVPN, 詳情可以到