來回倫敦同香港, 直航機都要大約13個鐘左右, 咁長時間坐喺economy class經濟艙的話都真係好辛苦, 如果加埋要轉機的話就更耐, 大家由香港過嚟英國時應該已經經歷過一次! 想舒服啲當然就係坐商務艙business class, 但你都知你要俾好多好多錢先可以享受到呢種舒服!
一般情況下, 來回倫敦同香港嘅商務機票都要二千幾鎊以上, 最近睇見到芬蘭航空Finnair做緊特價, 來回最平只係£18xx!! 中途要喺芬蘭赫爾辛基轉機, 雖然唔係直航, 但係坐商務艙咁舒服, 我自己就真係唔介意坐長少少時間, 最緊要價錢係affordable(可負擔)!
之前出片介紹最平£16xx坐商務來回倫敦同香港嘅機票, 宜家睇返價錢唔同咗....
宜家(2023年2月)做緊嘅價錢係最平£1835來回
宜家入去Finnair嘅網頁睇睇, 2023年4至6月同埋9至11月都仲可以搵到最平£1835嘅機票
咁等我試試5月3號出發5月23號回程嘅機票, 跟據顯示係£1835
揀好日子後就揀票價, 就算坐Business Class都有唔同嘅票價揀, 唔同價錢包唔同嘅嘢, 例如最平嗰種飛就唔包寄艙行李(只包兩件10kg嘅手提上機), 所以我建議都係揀返Business Classic嗰個票價, 得兩件(每件32kg)嘅寄艙行李外, 仲有得入lounge等等!
所以如果想做到£1834來回嘅話, 就只可以揀Business Light唔包寄艙行李嗰款機票! 如果要有寄艙行李就要Business Classic, 變咗£2084來回!
同坐Economy Class比較, 呢個價錢都仲係貴一大截, 但係呢個價錢嚟講坐商務來回倫敦同香港(因為要經芬蘭赫爾辛基轉機, 共4程機), 都算係幾抵坐! 尤其是老人家坐長途機可能會腰痛或者難以入睡(其實我都會), 最搵舒服啲嘅方法飛返香港手探親的話, 可以留意吓!
詳情請去返芬蘭航空Finnair官網 (www.finnair.com) 查詢同訂飛 !
注意：因為機票價格會不斷變, 所以如果想訂飛就要快手啲!
🎬 遊走英國影片 https://bit.ly/3LAjSFJ
🗒 遊走英國Blog http://www.yaujauuk.com
請我飲杯£3嘅🍺作鼓勵! http://www.buymeacoffee.com/yaujauuk
(分類小廣告)