唔知大家有無試過, 去機場接朋友/家人機時, 到咗先發覺班機delay咗(要呆等多一個鐘), 又或者喺你去機場途中先知原來班機早到咗, 家人已經過緊關呢, 你要趕頭趕命仆入機場而大失預算呢?
宜家好多機場都有得網上check飛機嘅arrival time, 但係就通常呢個時間都係飛機喺出發地起飛後計算出算, 喺飛機航行途中有可能會遇到航導改變或其他情況(例如London Heathrow就成日因為太多機降落而令到飛機要喺空中轉幾個大圈先降落到)導致時間唔準確! 雖然宜家好多飛機都有得上網, 但係又唔係個個都會用... 咁究竟點樣可以知道飛機嘅real time資訊呢? 我推介大家喺電話download一個叫 Flightradar24.com嘅免費App, 喺Apple App Store / Google Play都有嘅!
裝咗個App開咗之後, 你會見到好似Google Map咁嘅畫面 , 上面有啲飛機(紅箭咀)喺道飛緊, 咁你如果想搵家人坐嗰班機去到邊, 可以喺上面(黃箭咀)打個Flight Number (e.g. BA112)
之後就會出現班機俾你揀.....
揀咗班機後就會跳番出頭先個地圖顯示班機嘅位置, 下面仲有一個update啲嘅arrival time....
如果你揀下面Route嗰粒制, 仲可以見到佢條航導, 都幾過癮
喺呢個乜嘢資訊都要real time嘅時代, 巴士埋站要睇時間, 接機又點可以盲摸摸呢? 快啲download嚟用吓啦!!
遊走英國FB page: www.facebook.com/travel.london.uk
遊走英國Blog: www.yaujauuk.com