上網睇到一位台灣朋友分享佢住share room, 因為太夜(夜晚11點幾之後)喺自己房吹頭而被同屋嘅其他住客向佢反映噪音太大, 影響瞓覺, 某程度上都係一個現實寫照! 喺唔少移民group都有人提問英國樓隔音係咪真係咁差, 以我自己住terraced house嘅經驗嚟講, 我會認同!
我地住一樓, 樓下住地下係另一家人, 左右係俾隔離屋夾住! 可能我地好彩, 租樓時地產經紀強調業主裝修時有做到隔音, 所以唔算有太多人地嘅聲傳到俾我地聽到, 最主要都係隔離屋嘅閂門聲, 有時係音樂聲, 如果佢地大聲喺屋企講嘢, 有時都會聽到嘅, 樓下一家人有BB, 間中喊聲都會由樓梯傳上嚟, 不過情況就唔算好嚴重!
不過生活習慣唔同都會有少少影響, 例如樓下鄰居要求我地夜晚8點後唔好洗衫, 因為佢地睡房喺我地洗衣機下面, 佢話好應聲嘈住佢地同BB瞓覺! 但係我地兩公婆都要打工, 返到屋企都七八點, 咁攪法咪日日都唔可以洗衫? 心裏不爽都無辦法, 唯有盡量遷就, 或者等星期六日先洗啦!
如果你有睇過Youtube講terraced house裝修嘅片, 就知道其實成間屋大部份都係用木板做間隔, 隔音好與壞就視乎佢有無用啲吸音物料, 但無論如何隔音能力同磚牆石屎牆都係無得比! 另外就算樓上樓下都係用木結構分隔, 所以我地住樓上業主都規定我地唔可以著hard shoes喺屋企行, 話會整花地板同埋嘈到樓下, 試過喺屋裏面跳幾吓, 個感覺會好似地震又或者屋企就冧咁樣… 所以如果你打算會成日喺屋企有運動的話, 租樓時最好都係揀ground floor!
唔知有無朋友住new built嘅apartment? 可唔可以分享一吓隔音會唔會好啲?
遊走英國FB page: www.facebook.com/travel.london.uk
遊走英國Blog: www.yaujauuk.com
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉 www.buymeacoffee.com/yaujauuk 🍺🍺
Topcashback Referral Link(免費登記)
Quidco Referral Link (免費登記, 仲有£10 sign-up bonus送俾你) www.quidco.com/raf/10294854
保護自己網上私隱, 避免行縱被洩露, 記住申請NordVPN, 詳情可以到