攞咗Private Hire Driving Licence後點樣可以做Uber司機呢?
去Uber網站 (https://www.uber.com/signup/drive/)登記做司機, 填好所需個人資料後, 就預約時間去佢地嘅中心做手續!
去到佢地中心, 首先就梗係核對你嘅身份、車牌同埋最緊要嘅Private Hire Driver Licence等等
然後就佢地幫你影相(用嚟喺個app度show俾乘客睇，相信係防"照騙"事件出現, 唔俾你自己upload)
Uber員工會同所有出席嘅司機做一個簡單嘅briefing, 內容主要包括:
教你點用個Uber driver App (e.g. online接客/check吓賺到幾錢等)
講解每日駕駛時數規定 (每日只可以駕駛10個鐘, 只計有客喺車嘅時間, 即係搵客時間唔計, 當10個鐘滿咗就會強制offline連續6個鐘先可以再次online)
有關Uber嘅一啲交通規例, (e.g. 唔可以去的士站上落客/唔可人行巴士專線等等)
賺錢心得 (大約講解一星期內邊啲日子邊啲時間生意較多, 邊啲地方多客等等)
突發情況嘅應對方法 (e.g. 如果人喺車打交點算/如果去到目的地但女乘客瞓著咗應該點做等等)
Uber Driver FAQ
Q: 每一程車Uber要收幾錢commission?
A: Uber每程車費會抽25% commission, 即係你落袋75% (其實都好多, 不過由於Uber顧客群好大, 所以佢收咁多都無可厚非)
Q: 幾耐出一次糧?
A: 每星期出一次! 今個星期中就會出上星期一至日嘅車費
Q: 路費/停車場費/Tips要俾commission嗎?
A: 呢啲全部都係全數俾番司機, 唔洗俾commission
Q: 有無限咩時間先可以online?
A: 無限, 24小時/7日任何時間只要喺佢服務範圍(以倫敦為例, 就大約係M25 motorway以內)就可online
聽完個Briefing後, 只要有一架合規格嘅車就可以隨時online開工!
下一篇同大家講吓架開工車有咩要求~
遊走英國FB page: www.facebook.com/travel.london.uk
遊走英國Blog: www.yaujauuk.com