上一個講解養車開支後, 大家對於Street Parking嘅費用好有興趣, 想了解點解泊一年都只係需要£100!! 咁不如我喺呢度講多少少....
注意: 英國唔同城巿唔同borough都可能有唔同安排唔同收費, 以下嘅資料係以倫敦為主
當年租屋, 其中一個問地產agent嘅問題就係有無得泊車, 結果發現雖然啲屋喺同一區, 但都唔係每間都可以俾你申請street parking, 例如如果租嘅係High Street嘅flat, 或者一啲好多層嘅flat, 佢就未必俾你申請(可能係如果戶戶都申請, 條街泊唔晒啦!), 由於我知道一定會養車, 所以最終都租咗一間可以申請street parking嘅terraced house!
點樣申請?
租咗屋買咗車後, 你就可以同council申請一個resident parking permit, 方法好簡單, 都係去番council website, 填番晒所需資料, 俾完錢後佢就會寄張parking permit俾你(大細就好似香港嗰張行車證咁), 貼喺擋風玻璃就得!
要幾多錢?
以我住嗰個區為例, 一張permit只需£80/年, 喺香港泊開HK$2000/月停車場嘅我, 真係覺得難以致信! 當然, 車位就唔係固定嘅, 佢唔保證你有得泊喺屋企門口, 同埋始終都係泊街, 但呢個泊車嘅安排就大大減低咗喺英國養車嘅洗費!
點樣泊車?
例如如果你住喺下面星星嗰間屋, 你可以泊嘅範圍通常會包括多過一條街(例如綠色線幾條街), 基本上你就可以喺任何時間喺呢幾條街任泊! 所以未必可以泊到喺自己屋企門口, 甚至唔係自己條街, 泊唔泊到就睇你好唔好彩!
地下一般都會係劃咗虛線, 再加路牌解釋咩時間係有permit嘅人先泊得! (例如相中路牌就係話星期一至五, 朝9晚6就係permit holders only)
但係記住唔好泊錯地方, 有permit唔代表可以亂泊, 見到地下有黃線嘅泊咗都可能食牛肉乾!!
有啲區可能人口無咁密, 所以啲路會好似下面張相咁, 路邊係無線嘅, 咁就代表你可以任泊, 無時間限制亦唔洗permit!
住detached/semi-detahced house的話, 好多時都可以泊喺屋前面, 咁就連permit都慳番!!
收費泊位
咁有無錶位呢? 係有嘅, 不過要搵吓, 例如呢啲住宅區, 可能80-90%都係resident only, 淨番街頭街尾會有啲收錢嘅泊位! 通常都會見到有部入錢嘅機喺度, 想泊幾耐就入幾多錢, 彈張飛出嚟後就放喺擋風玻璃下面... 所以呢啲叫Pay and Display!
不過當香港仲係要定時定候去入錶嘅時候, 英國就已經有得用App俾錢!! 通常部機旁邊都會有張貼紙話你知用邊個App (唔同borough可能用唔同App)同埋有個number code, 咁你就開番個App入code然後揀泊幾耐, 最後俾錢就攪掂, 好方便!! 想加鐘又唔特登跑返架車度俾錢...
收費如何?
區區唔同, 我住Zone 3嗰頭就£2.4/hour... 去到Westminster就£4.9/hour... 暫時見到最貴係近Tower Bridge嗰度有條街£6/hour
學睇泊車路牌
要學識泊位, 仲要識睇牌, 先知究竟泊唔泊得車, 洗唔洗俾錢! 喺香港就算唔係禁區, 你泊架車喺街都有可能俾人抄牌, 但係喺英國, 除咗個牌講嘅時間之外, 其他時間都可以任泊嘅, 唔會抄牌 (當然唔計雙黃線, 同埋你架車塞住條路嗰啲情況啦!).....
Recap: 除咗個牌講嘅時間之外, 其他時間都可以任泊嘅
例如呢個牌, 就係話星期一至五, 9:30am-12:30pm & 4:30-6:30pm同埋星期六9:30am-12:30pm呢啲時間, 就只可以俾permit holders泊, 又或者係要俾錢!! 如果係俾錢的話, 就最多泊4個鐘...
呢個簡單啲, 淨係星期一至五, 9:00am-6:00pm俾permit holders泊!
有時喺啲街, 如果好多屋自己有花園可以泊車, 咁啲泊位就可能只限好少時間(例如呢個係星期一至五, 10am-12noon兩個鐘)俾permit holders...
大致上喺街泊車都係要好留心嗰啲泊車路牌, 有時佢可能一邊係俾permit holder, 另一邊係收費泊位, 如果你泊低架車望咗對面碼路就會隨時中伏!!
Q: 架車泊喺街危唔危險?
A: 呢個問題好難答, 都係睇番你嗰區治安, 咁當然車內財物唔露眼呢啲基本嘢就梗係做足啦!
Q: 告票幾錢一張?
A: 每個borough唔同, 因為抄牌係borough負責, 但倫敦似乎特別貴, £100以上好平常! 呢度啲告票好好嘅, 如果你肯14日內乖乖地交罰款, 就只需要俾半價! (大佬, 半價都要£50起碼.....!!!)
Q: 易唔易俾人抄牌?
A: 講真, 一個區咁大, 唔會一日任何時間都有人巡, 要巡嘅都巡啲熱門地方, 例如多餐廳, 超巿, 街舖嗰度, 所以啲抄牌叔叔通常都會喺嗰啲地方經常出沒!
而且我發現咗佢地都好醒目, 一見到有啲搬屋車, 工程車嗰啲駛入個區, 佢地好快就會出現抄牌, 因為開緊工焗俾佢抄, 呢啲真係生存之道!!
Q: 難唔難搵位?
A: 喺自己住嗰度會好啲, 因為未必每一戶都有車, 咁樣應該都搵到位! 反而係你揸出街, 想喺central London或一啲你唔熟嘅區想搵地方泊車, 就會有好大難度, 唔一定無, 但無熟人指點的話應該會搵位搵到懷疑人生......
重申, 以上資料主要係我喺倫敦嘅經驗之談.... 好可能同你住緊嗰區有唔同... 請多多包涵!! 仲有好多其他類型嘅停車場/泊位, 遲啲再講!
遊走英國
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉www.buymeacoffee.com/yaujauuk🍺🍺
由宜家開始到2021年12⽉31號, ⽤遊⾛英國嘅呢條link https://www.topcashback.co.uk/cntravelld/ 喺Topcashback免費登記成為新⽤⼾, 只要喺登記後3個⽉內成功喺Topcashback到合作商⼾網⾴消費同埋成功取得回贈後(不限回贈⾦額), 就可以得到額外£10迎新現⾦回贈!!
注意
- 僅限第一次登記TopCashback英國站嘅新會員
- takeaways, freecashback等商戶除外
- 詳細請參閱網站嘅條款及細則用Wise (前身Transferwise)由香港轉錢去英國或者其他國家, 方便得嚟計埋手續都平過一般香港銀行嘅電匯價! 快啲click入去睇睇格吓價....
下面嘅Link開新嘅Wise戶口, 可以享受頭一次匯款HK$5000嘅免手續費優惠, 慳上慳!
🚙 rentalcars.com即時比較唔同租車公司嘅價錢, 唔洗周圍格價! https://bit.ly/3tANdYc
申請NordVPN, 保障私隱之餘亦方便喺網上繼續去ViuTV, NowTV等等香港電視, 現有優惠US$89包24個月另加送3個月服務! 快啲用呢條link去申請或者了解吓詳情